Karin Trottmann

Sociare - verbinden, verheiraten

En Zeremonie echt - ehrlich - natürlich - individuell - herzlich Eui Liebi verbinde, i dere Form wie ehr das wänd! Ech rede mondart, be i minere Freiziit eher de Jeanstyp, aber för eui nehmi min Azog före. Mini bodeschtändigi Art, mini Läbenserfahrig, mis offnige Herz ond mini grossi Kreativität schtell ech eui gern zor Verfüehgig. Euich als Paar begägne, zuelose, id Tüüfi itauche ond de Chern ad Oberflächi brenge, esch mer e grossi Froid. D Anerkännig und Wertschätzig vo dem wo esch, s Wahre und Guete, schtod för mech im Zäntrom. Eui Liebi esch es wärt, inere wördige Zeremonie g'fiired z werde. Ech liebes z Öberrasche ond «heimlifeiss» s Onerwarteti z zeige. So zauberi eui Zeremonie uf eui Hochsigs-Bühni ond ehr dörfed gnüsse, vellecht au stuune, wie underhaltsam eui Läbens- und Liebesgschecht esch. E froi mi eui känne z lehre! Ond wönsche eui onderdesse e wonderschöni Ziit! Vo Herze, Karin

Schweizerdeutsch

Schriftdeutsch

Englisch

Französisch

Italienisch

Serbokroatisch

Albanisch

Spanisch

Portugiesisch

Tamil